Најчести прашања

Дали е опасна хипнозата ?

Не. Хипнозата  е природна состојба на свеста, која повеќе пати во текот на денот ја доживуваме а притоа и не забележуваме. Исто би можеле да се запрашаме, дали е опасно спиењето.

Што ако не се разбудам од хипноза ?

Таков пример сеуште не сме забележале. Но пред се , тука има игра на зборови, бидејќи во хипноза не спиеме. Лично го употребувам изразот   " се крева од хипноза ". Хипнозата нема никаква врска со спиењето. Хипноза е сменета состојба на вашата свест, која можете Вие да ја прекинете било кога.

Какво е чувството да се биде во хипноза ?

Па бидејќи сме физички и ментално опуштени имаме чувство дека малку сме одсутни, мислите ни се ретки и насочени. Секојдневно тоа чувство го доживуваме, кога одиме на спиенје и тоа е оној последен момент пред да заспиеме, тогаш настпува моментот на празна свест.

Дали ќе морам да ги прифатам сите сугестии ?

За жал не. Мојата работа би била многу полесна ако е така. Вистина е дека ќе ги прифатите само оние сугестии кои Вам  ви одговараат. Поради тоа морате да сте добро мотивирани. Со други зборови: успехот на хипнотичката терапија  зависи од тоа, дали Вие навистина сакате промена.

На кој начин воопшто хипнозата ги решава проблемите?

Грубо гледано вашиот негативен програм во подсвеста го сменуваме со позитивен. Успехот на хипнотерапијата е секогаш во Вашите раце. Бидејќи Вие можете сугестиите за вашата промена едноставно да ги одбиете ( иако сте во длабок степен на хипноза )  јас морам пред терапијата да утврдам дали Вие навистина ги сакате тие промени. И  ако заеднички видиме, дека сеуште не сте спремни , ќе се видиме после неколку месеци, така да ништо на сила не работиме.

Дали може секој да биде хипнотизиран ?

Да. Најголем непријател на хипнозата е стравот. Честите изјави од типот, мене не можеш да ме хипнотизираш, обочно значат  - ми е страв.  Таква особа навистина е невозможно да биде хипнотизирана. За секоја хипноза е потребна ваша согласност.

Што ако сум скептичен, дека хипнозата може да ми помогне.?

Не сте единствен. Морате да знаете дека успешноста на хипнозата не е битна од вашето веруванје во неа. Доволна е само вашата желба за промена, а останатото е моја работа.

Би сакал да се употреби хипноза за промена на мојот партнер или детето ?

За почеток сменете се себе  и ќе видите дека и вашиот партнер или дете се сменило. Хипнозата не е успешна кај луѓе што не сакаат промени.

Не знам да се опуштам, дали ќе биде успешна хипнозата ?

Да . хипнозата нема врска со вашето опуштање.

Какви услови ми се потребни за изведување на самохипноза (темна соба , мир, тишина.... ) ?

Ништо од сето тоа. Како што би можеле ние двајца да изведеме хипноза и на автобуска станица, така и Вие ќе можете да направите самохипноза  било каде и било кога. Единствен услов е , да седнете или легнете и да сте на сигурно. Инаку на се ќе Ве подучам на раборилницата за самохипноза.

Дали можам веднаш да почнам со употреба на позитивни сугестии ?

Бидејќи сте на почеток на употребата на самата хипноза, треба да се биде толерантен кон себе. Така првата недела е наменета за практикување на употребата на самата состојба, Веќе од другата недела па натаму ќе одите постепено. На работилницата ќе добиете прецизни упатства. Отприлика после еден месец сугестиите веќе почнуваат  брзо да дејствуваат.  Интересно е, кога еднаш веќе сме почнале да практикуваме самохипноза нашиот живот прилично се смирува. Не сме повеќе толку подложни на разни стресни ситуации.

Страв ми е дека во хипноза ќе оддадам некоја тајна ?

Стравот е непотребен. Ако би сакал да извлечам некоја тајна од Вас , повеќе можности би имал во обична состоба него ли во состојба на хипноза. Мора да знаете дека во хипноза  може лесно да се лаже ако тоа се сака. Хипнозата инаку ја употребуваме и во криминалистика, но не за откриванје на вистината туку како помош на сведоците за полесно да се сетат на некои детали битни за случуванјето.

Колку сеанси ми се потребни за научам самохипноза ?

Обично две., за кои е предвидено плаќанјето . Овде би сакал да напомнам дека си ја оставам можноста да не ве примам како клиент.

Каде Вие сте ја научиле хипнозата ?

Чесно прашање. По долгогодишин интерес, учење и пракса завршив Omni Training centar of SlovenijaОмни  ( OHTC board оf Slovenia ) .Тоа е Словенска филијала на американското школо, кое се води во Словенија , Италија и Босна. Воедно сум и член на американскиот сојуз за хипнотерапија (Nacional board of hipnosis  ) . Стручниот  назив кој ми е доделен гласи:  Board Certified Hipnosist.

Дали е можно со време да се изгуби можноста за влегувае во самохипноза ?

Не. Кога еднаш ќе почнете да употребувате самохипноза, таа ви останува за трајна употреба.